ღვინის კომპანია "შილდა" ჩინეთში 5 მილიონ ბოთლ ღვინოს გაიტანს

16 იანვარი, 2017წ

გაზიარება

ღვინის კომპანია "შილდა" ჩინეთში 5 მილიონ ბოთლ ღვინოს გაიტანს

ღვინის კომპანია "შილდა" ჩინეთში 5 მილიონ ბოთლ ღვინოს გაიტანს

ქართული ღვინის მწარმოებელმა კომპანია "შილდამ" ჩინურ მხარესთან მნიშვნელოვანი კონტრაქტი გააფორმა. მომდევნო 3 წლის განმავლობაში ჩინური ღვინის იმპორტიორი კომპანია "შანხაი სციფან თრეიდინგი" "შილდასგან" 5 მილიონ ბოთლ ღვინოს შეიძენს.

მიხეილ და ნათია ჩხარტიშვილების მიერ დაფუძნებული კომპანია "შილდას" მიერ ერთი ხელშეკრულების ფარგლებში შემდგარი ეს გარიგება უპრეცედენტოდ მასშტაბურია, რამდენადაც თითქმის უტოლდება 2016 წელს საქართველოდან ჩინეთის ბაზრებზე ექსპორტირებული ღვინის მთლიან მოცულობას.

 კომპანია "შილდაში" აღნიშნავენ, რომ ჩინეთში იმპორტიორებისა და ალკოჰოლური სასმელების მომხმარებლის ქართული ღვინისადმი ინტერესი მზარდია.

"შილდასა" და "შანხაი სციფან თრეიდინგს" შორის ხელშეკრულებას ჩინეთში ხელი 11 იანვარს მოეწერა. გარიგების გაფორმებას ესწრებოდნენ ჩინეთის სახალხო რესპუბლიკაში საქართველოს სრულუფლებიანი და საგანგებო ელჩი და საქართველოს სავაჭრო-სამრეწველო პალატასთან არსებული საქართველო-ჩინეთის მეგობრობის ასოციაციის წარმომადგენელი.

პოპულარული ღვინოები

10.95
რქაწითელი

რქაწითელი

თეთრი მშრალი

83.95
საფერავი რეზერვი

საფერავი რეზერვი